Дастаи мунтахаби Тоҷикистон ба бозии нимниҳоии мусобиқаи «King’s Cup-2024» муқобили тими миллии Сурия омодагӣ мегирад.

Бино ба иттилои ТВ “Варзиш”, 50-умин мусобиқаи байналмилалии «King’s Cup-2024» аз 11 то 14-уми октябр дар шаҳри Сонгкхлаи Тайланд доир мешавад. Дар даври ниманиҳоии мусобиқот мунтахаби Тоҷикистон рӯзи 11-уми октябр бо тими миллии Сурия бозӣ мекунад. Дар бозии дигари нимниҳоӣ мунтахабҳои Тайланд ва Филиппин бо ҳам вомехӯранд.

Ғолибони даври нимниҳоӣ дар финал ва мағлубшудагон дар рақобат барои ҷойи сеюм мубориза мебаранд. Бозиҳои ниҳоии мусобиқа 14-уми октябр доир мешаванд.