Аксари мардон дар рӯзи Иди Саиди Фитр баъди аз намоз баргаштан ба зиёрати оромгоҳи падару модар ва дигар гузаштагонашон мераванд. Мехоҳед донед, ки вақти ба зиёрати қабристон рафтан кас бояд чӣ кор кунад ва кадом дуоҳоро хонад? Пас мутаваҷҷеҳ бошед!

1. Зиёрати аҳли қубур ба хотири панду ибрат гирифтан ва ба ёд овардани охират аст ва набояд кас суханонеро ба забон оварад, ки муҷиби хашми Парвардигор мегардад.

2. Ба ҷойи Худованд аз мадфун (аз мурдае, ки дар қабр хобидааст) чизе талаб намудан ва бо боварии комил ӯро ҷаннатӣ ё дӯзахӣ гуфтан раво нест.

3. Касе, ки ба зиёрат меравад, дар баробари гузаштагони худ дар ҳаққи ҳамаи маитҳои дар он оромгоҳ хобида дуо кунад, хуб аст.

4. Вақте ба зиёрати оромгоҳи падару модар ва дигар гузаштагони худ меравед, атрофи қабрро тоза кунед.

5. Дар сари қабр ҳатман ба рӯҳу арвоҳи маит ва дигар гузаштагон дуо кардан лозим аст, на амалҳои ғайр инро.

6. Зиёраткунанда ҳангоми дуо рӯяшро ба сӯи қабрҳо намекунад, балки ба самти Каъба менамояд, зеро паёмбар аз намоз гузоштан ба сӯи қабрҳо манъ намудааст.

7. Ҳангоми рафтан ба қабристон манзилҳои дигаронро пахш накунад.