“Дрож”-ро аксари занҳои тоҷик вақти шӯридани хамир истифода мебаранд, вале баъзе кампирҳо онро ҳаром шумурда, аз хӯрдани нони бо “дрож” парҳез менамоянд. Илтимос, ба ҳамин масъала равшанӣ андозед. “Дрож” ҳалол аст ё ҳаром?
Саидҷон, ш. Душанбе.

Посухи домулло Ҷамолиддин Хомӯшӣ

Бародари азиз, ҳама маҳсулоти ғизоӣ дорои тамғаи хос аст, ки дар он таркиби маводи дар дохилаш буда навишта шудааст. Метавонед қабл аз харидани хамирмоя таркиби онро аз назар гузаронед, агар дар таркибаш ягон чизи ҳаром бошад, аз он парҳез кунед. Аз ҳама хубаш он аст, ки хамирмояи аз кишварҳои исломӣ воридгаштаро харидорӣ намоед, чунки аз маҳсулоти ҳалол истеҳсол карда мешаванд.