– Л –

ЛАЙЛӢ//ЛАЙЛО а. لیلی/لیلا шаб, шаби дарози торик («Вожаҳои сара»); 

2. Лайлӣ маъшуқаи Маҷнун («ФНЭ»); номи яке аз ушшоқи таърих («Муъин»); маъшуқаи Қайс, ки ба Маҷнун машҳур аст («Fиёс»);

3. аз навоҳо ва оҳангҳои мусиқии қадим («Муъин»). 

ЛАТИФА لطیفه 1. ҳар чизи некӯ («Муъин», «Деҳхудо»); накӯӣ ва чизи нек ва нозук («Мунтахаб», «Fиёс»); 

2. ҳикояти нағзу маънидор («Муъин»); гуфтори нағз, матлаби некӯ ва зариф («ФНЭ»); нуктаороӣ («Вожаҳои сара»); 

3. базла, шӯхӣ («Муъин», «ФНЭ», «Фарҳехта»). 

ЛАБХАНД لبخند табассум, шакарханда («Фарҳехта»); хандае, ки рӯи лабҳо нишинад («ФНЭ»); лабханда («Деҳхудо»). 

ЛАБХАНДА لبخنده лабханд, табассум. 

Рекомендуем

МУҲОҶИР Россия 120 ҳазор тоҷикро ба рӯйхати вайронкунандагони қонун ворид кард

ЛАТОФАТ لطافت 1. нозукӣ, борикӣ, зарифӣ, хуштабъӣ («ФЗТ»); нозук будан («Вожаҳои сара»); нармӣ («Фарҳехта»);

2. покӣ, покизагӣ, беғуборӣ («ФЗТ»); 

3. зебоӣ, раъноӣ, назокат, нозукандомӣ, мавзунқоматӣ («ФЗТ», «Муъин»); 

4. мулоимат, хушмуомилагӣ, муносибати нағзу нарм («ФЗТ»); некӯ будан, некӯӣ («Вожаҳои сара»); нағзӣ («Фарҳехта»);

5. дилҷӯӣ кардан («Вожаҳои сара»);

6. равшан будан («Вожаҳои сара»);

7. хурдӣ, резагӣ («Фарҳехта»). 

ЛИҚО а. لقا 1. чеҳра, рӯй, симо («ФЗТ», «Дурҷ», «ФНЭ»); 

2. дидан ҳамдигарро, мулоқот («ФЗТ»); дидан («ФНЭ»); ба маънии дид («Fиёс»); дидор кардан («Дурҷ»); 

3. зуҳури маъшуқ аст, чунонки ошиқро яқин шавад, ки ӯст ба сурати одам зуҳур карда («Дурҷ»).