Яке аз хешовандонамон дар асл қории Қуръон нест, лекин аз сабабе, ки нобино аст, ҳама ӯро қорӣ ном мебаранд. Мегӯянд, ки агар ӯро қорӣ гӯем, гунаҳкор мешавам. Оё ин рост аст? Комрон, шаҳри Истаравшан.

Посухи домулло Ҷамолиддин Хомӯшӣ

Қорӣ калимаи арабӣ буда, маънои хонандаро дорад. Шахсоне, ки Қуръонро аз ёд медонанд, онҳоро ҳофизи Қуръон мегӯянд. Ҳар кас, ки Қуръонро аз рӯи ҳарф хонда метавонад, он нафарро метавон қории Қуръон номид ва он нафаре, ки ӯро қорӣ ном мебарад, ғалат намекунад. Дар мардуми мо гоҳо нобиноҳоро қорӣ мегӯянд, ки ин ба қории Қуръон дахл надорад ва ҷурм ҳам нест.