Домуллои муҳтарам дар мавриди як масъалаи хонаводагии мо аз нигоҳи дин маслиҳат диҳед. Фаҳмидан мехоҳам, ки агар фарзанд бе иҷозати падару модараш бо зане, ки нав аз оилааш ҷудо шудааст, никоҳ кунад, дуруст аст ё не?
Шодӣ ДАВЛАТОВ, ноҳияи Рӯдакӣ
Посухи намояндаи Раёсати фатвои ҶТ:
- Бародари азиз, агар иддаи талоқи он зан сипарӣ ношуда никоҳ карда бошанд, пас ин никоҳашон фосид ва беэътибор аст. Агар пас аз гузаштани идда никоҳ карда бошанд, никоҳ дуруст аст, вале чун падару модар аз он никоҳ розӣ набошанд, зиндагиашон бебаракат хоҳад шуд.
