Нақшаи қабули донишҷӯён дар Донишгоҳи давлатии ҳуқуқ, бизнес ва сиёсати Тоҷикистон дар соли таҳсили 2026-2027 ба 97,3 фоиз расидааст. Дар ин бора ректори донишгоҳ Шероз Мӯминзода зимни нишасти матбуотӣ иттилоъ дод.

Ӯ гуфт, ки ҳоло дар донишгоҳ зиёда аз 8200 нафар донишҷӯ, аз ҷумла 1825 нафар аз рӯйи ихтисосҳои самти омӯзгорӣ таҳсил менамоянд. “Бо мақсади густариши ин самт аз соли таҳсили нав факултети «Филологӣ-педагогӣ» таъсис дода шуд”,- таъкид дошт номбурда.

Қайд гардид, ки робитаҳои байналмилалии донишгоҳ низ густариш ёфта, теъдоди созишномаҳои ҳамкорӣ бо муассисаҳои дохилию хориҷӣ ба 158 адад расидааст.