Нархи чиптаҳои ҳавопаймо дар Тоҷикистон тахминан 25-30% арзон шудааст. Дар ин бора имрӯз зимни нишасти хабарӣ Ҳабибулло Назарзода, раҳабари Агентии ҳавонавардии Тоҷикистон иттилоъ дод. Ба қавли сарвари агентӣ, арзиши чиптаҳои ҳавопаймои ширкатҳои ватанӣ ва хориҷӣ дар Тоҷикистон 25–30% поён рафта, пастшавии нарх бо шарофати додани 40% тахфиф ба ширкатҳои ҳавопаймоӣ ва афзоиши шумораи парвозҳо дар доираи сиёсати “Осмони боз” имконпазир гаштааст.