Вазорати маориф ва илми кишвар арзиши аттестат - шаҳодатномаи хатми мактабро имсол 9 сомонию 3 дирам муайян кардааст. Ин дар ҳолест, ки тайи ду соли охир барои дарёфти шаҳодатномаи хатми мактаб хонандагон 8 сомониву 63 дирам маблағ месупориданд.

Маблағи мазкурро тариқи ғайринақдӣ пардохт намуда, расиди онро ба мактаб пешниҳод кардан лозим аст.

Дар ҳолати талаб кардани маблағи бештар хатмкунандагон ва волидонашон метавонанд ба Вазорати маориф ва илм ва дигар идораҳои зертобеи он дар шаҳру ноҳияҳои кишвар шикоят кунанд.