Наҷотдиҳандагони Раёсати Кумитаи ҳолатҳои фавқулода ва мудофиаи гражданӣ дар вилояти Хатлон се нафарро аз ғарқшавӣ наҷот доданд.

Бино ба иттилои ин ниҳод, оби дарё баланд шуда, шаҳрвандон дар миёнаи дарё, дар болои сангҳои калон дармондаанд. Баъди гирифтани хабари фаврӣ гурӯҳи наҷотдиҳандагони дастаи махсуси зудамали наҷотдиҳии Раёсати Кумитаи ҳолатҳои фавқулода дар вилояти Хатлон шаби 13-уми июн, соати 22:40 дақиқа ба ҷойи ҳодиса расида, бо истифода аз дастгоҳу лавозмоти махсуси наҷотдиҳӣ ва ғаввосӣ шаҳрвандонро аз муҳосираи об ва ғарқшавӣ наҷот додаанд.

Гуфта мешавад, дар мавсими гармии имсола, ки оббозӣ дар ҷӯю наҳрҳо бештар гардидааст, аллакай наҷотдиҳандагон дар Хатлон 9 нафарро аз ғарқшавӣ наҷот додаанд.