Мо дар шаҳри Роғун кору фаъолият мекунем, аммо макони зисти доимиамон дар ноҳияи Данғара аст. Ҳар моҳ пас аз 115 рўз) ҳатман ба хона бармегардем. Бинобар ин, намозро қаср мегузорем. Лекин, як нафар рўҳонӣ чунин фатво дод, ки шумо дар ин ҷо кор мекунед ва ризқу рўзии оилаатонро аз ҳамин ҷо ба даст меоред, бинобар ин, бароятон қаср хондани намоз дуруст нест. Оё мо намозро қаср гузорем ё пурра?

Меҳрон, н. Данғара.

Бародари азиз, дар мазҳаби ҳанафӣ масофаи сафар се марҳала аст ва тибқи қарори Шўрои уламо ба ҳисоби имрўза 120 км муайян шудааст. Азбаски масофаи байни макони зисти шумо то шаҳри Роғун зиёда аз 120 км аст ва дар макони коратон нияти иқомати 15 рўз надоред, дар ин сурат шумо дар аснои сафар ва дар ҷойи коратон намозро қаср мегузоред.

Агар дар ҷойи кор намозатон қазо шавад, онро дар хона қаср мегузоред ва агар дар хона намозе аз шумо қазо шуда бошад, онро дар макони коратон пурра мегузоред.

Раёсати фатвои Шӯрои уламо