Дар Ҳонгконги Чин мусобиқаи «Hong Kong Asian Open -2024» ба анҷом расид. Тоҷикистонро дар мусобиқаи мазкур ду бону - Кан Александра зери вазни то 57 кг ва Виктория Киселёва зери вазни ҷамъи 78 кг муаррифӣ карданд.

Бино ба иттилои ТВ “Варзиш”, Виктория Киселёва зери вазни ҷамъи 78 кг дар мусобиқаи мазкур таърихсозӣ кард. Зеро ӯ бо мағлуб кардани ҳамаи рақибон ба гирифтани нишони тилло даст ёфт. Ин нишони тилло дар таърихи ҷудои Тоҷикистон аввалин миёни бонувон дар мусобиқаҳои байналмилалӣ маҳсуб мешавад.

Варзишгари дигари кишвари мо Кан Александра зери вазни то 57 кг ноком шудааст.

Ёдовар мешавем, ки дар мусобиқаи мазкур 128 ҷудокор (74 мард, 54 зан) аз 13 кишвари ҷаҳон иштирок карданд.