Рӯзҳои 4 ва 5-уми декабр мустанади коргардони тоҷик, узви Иттифоқи синамогарони Тоҷикистон Алиҷон Ҷалилов - "ALIF.DO.RE.MI" дар синамоҷашнвораи 6-уми Чеджу дар Куриёи Ҷанубӣ намоиш дода мешавад.
Аз миёни бештар аз 3106 филм фақат 10 филми беҳтарин аз ҷониби комиссияи махсуси ин ҷашнвора барои даври асосӣ интихоб шудааст, ки "ALIF.DO.RE.MI" ҳам дар миёни он даҳгона (аз рӯйи номинаи "Филмҳои мустанади кутоҳ") ҳаст.
Бояд гуфт, ки муаллифи ин филм Алиҷон Ҷалилов 21 сол дошта, филм маротибаи 21-юм дар синамоҷашнвораҳои байналмилалӣ иштирок мекунад.
