Маҳсулоти лозима:
Мурғи 1 кг, намак, мурч, сирпиёз, равғани растанӣ.
Тарзи таҳия:
Мурғро аз қафаси синааш бурида, дар болои тахта паҳн кунонида хобонед. Болои мурғро бо салафан пӯшонида, каме бо табарча кӯбед, то ки мурғ ҳамвортар шавад. Ба он намаку мурч пошида, сирпиёзи кӯфтаро ба ҳама ҷои мурғ молида, як соат нигоҳ доред. Барои пухтани мурғ тобаи ғафсу калон лозим аст. Тобаро дар оташи паст гузошта, равған илова карда тасфонед. Мурғро даруни тоба гузошта, аз болояш ягон зарфи вазнинро гузоред ва муддати ним соат аз ду тараф пазед.
