Маҳсулоти лозима:

500 грамм гӯшти лаҳми мурғ, 150 грамм нони хушки кӯфта, 3 қошуқ кунҷид, 2 тухм, 3 қошуқ равғани растанӣ, намаку мурч, 60 грамм орд.

Тарзи таҳия:

Гӯшти мурғро тунук бурида, дар “плёнка” печонеду аз ду тараф нағзакак лат занед ва мурчу намак пошед. Дар тақсимчае орд гиреду дар тақсимчаи дигар нони хушки куфташударо бо кунҷид. Дар зарфи алоҳида тухмро бо иловаи каме намак гиред. Ҳар як пораи латзадаи гӯшти мурғро аввал дар орд, баъдан дар тухм ва нонхушкаки кунҷиддор омезиш диҳед ва дар ҳарорати миёна муддати 5 дақиқа пазед.