Маҳсулоти лозима:

1 кг мандарин, 1 дона афлесуни калон, 1 кг шакар, 1 истакон об, 2 қошуқча имбири кӯфта, 1 баста ванилин.

Тарзи таҳия:

Мандарин ва афлесунро пӯст карда, ба қисмҳо ҷудо кунед. Ҳамаи меваҳоро ба як зарф андохта, об резед ва 8 соат монед. Сипас зарфро ба оташи паст гузошта, имбир илова кунед. Пас аз ҷӯшидан, 1,5 соат пайваста омехта карда пазед. Баъдан шакар ва ванилинро андохта, боз 1,5 соат ҷӯшонед. Мураббои тайёрро ба бонкаҳои тоза ва хушк рехта, бо сарпӯш маҳкам кунед.