Дар шаҳри Маскав 50 нафар муҳоҷирони меҳнатии тоҷик ва ӯзбек пас аз истеъмоли хӯрок заҳролуд шудаанд. Дар ин бора Vesti.ru хабар додааст.
Бино ба иттилои манбаъ, ҳамаи 50 нафар заҳролудшудагон шаҳрвандони Ӯзбекистон ва Тоҷикистон будаанд, ки дар як сохтмон дар комплекси манзилии «Обручева 30» кор мекардаанд.
Коргарони ин сохтмон баъди хӯрдани гӯшти мурғ ва шӯрбо заҳролуд шудаанд. Гуфта мешавад, ки 5 нафар муҳоҷирони заҳролудшуда дар беморхона бистарӣ карда шудаанд.
Хӯрок аз ҷониби корфармо ба кормандон дода шудааст, вале маълум нест, ки онҳо аз гӯшти мурғ заҳролуд шудаанд ё аз шӯрбо.
