Дар шаш моҳи соли 2026 аз ҳисоби шаҳрвандони хориҷӣ ба буҷети Русия 321 миллиард рубл ворид шудааст. Ин нишондиҳанда нисбат ба ҳамин давраи соли гузашта 30 дарсад бештар мебошад.
Дар ин бора Андрей Кикот, муовини аввали вазири корҳои дохилии Русия зимни мулоқот бо президенти ин кишвар Владимир Путин хабар дод. Ба гуфтаи ӯ, аз маблағи воридшуда зиёда аз 60 миллиард рубл ба буҷети федералӣ ва беш аз 260 миллиард рубл ба буҷетҳои минтақавӣ равона шудааст. Қисми асосии даромад аз пардохтҳои вобаста ба иҷозаи кор ва патентҳои меҳнатӣ ба даст омадааст.
Ҳамин тариқ, маълумоти Вазорати корҳои дохилии Русия нишон медиҳад, ки пардохтҳои муҳоҷирони меҳнатӣ яке аз манбаъҳои назарраси даромади буҷетҳои федералӣ ва минтақавии ин кишвар боқӣ мемонанд.
