Дастаи мунтахаби наврасони то 17-солаи Тоҷикистон таҳти роҳбарии сармураббӣ Марко Раҷинӣ ба бозии аввали марҳилаи гурӯҳии Ҷоми ҷаҳон-2025 муқобили дастаи Чехия омодагӣ мебинад.

Ин бозӣ рӯзи 5-уми ноябр дар майдони 8-и «Aspire Zone» воқеъ дар шаҳри Давҳа баргузор гашта, соати 15:30 ба вақти маҳаллӣ (17:30 ба вақти Душанбе) оғоз мешавад.

Ёдовар мешавем, ки Тоҷикистон дар гурӯҳи “I” бо дастаҳои Чехия, Буркина-Фасо ва ИМА бозӣ мекунад.

Қаҳрамони феълии мусобиқа мунтахаби то 17-солаи Олмон маҳсуб мешавад, ки дар финал Фаронсаро шикаст дод. Бозиҳоро соли 2023 Индонезия мизбонӣ карда буд.