Имрӯз, 2-юми сентябр Президенти Ҷумҳурии Тоҷикистон муҳтарам Эмомалӣ Раҳмон дар кӯчаи Аҳрории шаҳри Душанбе бинои нави муассисаи таълимии ғайридавлатии «Имкон»-ро барои 800 хонанда мавриди истифода қарор доданд.
Муассиса аз ҷониби соҳибкорон Валиҷон, Пиран ва Пайрав Ахмедовҳо бунёд шуда, дорои 59 синфхона ва ҳуҷраҳои ёрирасон мебошад.
Синфхонаҳои фаннӣ, аз ҷумла кабинетҳои технологияҳои иттилоотӣ, биология, физика, касбу ҳунар ва забонҳои хориҷӣ бо таҷҳизоти зарурӣ таъмин шудаанд.
