Салом ба кулли мухлисони сомонаи Oila.tj! Ман як ҷавони 27-сола аз ноҳияи Айнӣ ҳастам. Ростӣ, зиёд мебинам, ки тавассути ин сомона мардум маслиҳат мепурсанд. Ман ҳам мехоҳам як маслиҳат пурсам.

Ман 6 сол қабл бо хости падару модарам бо духтаре оиладор шудам. Аввал намешинохтам ӯро. Баъдан, бо ӯ зиндагӣ карда, дӯсташ доштам. Шукронаи Худо, ҳоло соҳиби 1 писару як духтарчаи нозанин ҳастем. Вале чанд моҳи охир модарам зани маро чашми дидан надоранд. Ҳарчанд сабабашро пурсон мешавам, ки “зани ман чӣ кор кардааст, ки ин қадар бад мебинед ӯро?”, ҳеҷ посухе намегирам. Мегӯянд, ки “ё аз занат ҷудо мешавӣ ё аз баҳри модарат мегузарӣ!”.

Ростӣ, намехоҳам аз занам ҷудо шавам. Мехоҳам ба ман маслиҳат диҳед. Чӣ кор кунам?

АЛИҶОН, аз ноҳияи Айнӣ