Дар садамаи нақлиётии Душанбе кӯдаки 11-сола ба ҳалокат расид
17 -уми ноябр дар хиёбони Ҳофизи Шерозии шаҳри Душанбе садамаи марговари нақлиётӣ рух дод, ки дар натиҷа як кӯдаки 11-сола ба ҳалокат расид.
Тибқи иттилои мақомоти милитсия, ронандаи автомашинаи тамғаи «Hyundai Porter» бо рақами қайди давлатии 2003TE10, Садриддин Розиқов, ҳангоми ҳаракат пиёдагарди ноболиғ - сокини 11-солаи пойтахтро, ки аз ҷойи муқаррарнашудаи роҳ мегузашт, пахш кардааст.
Дар натиҷа, кӯдак ҷароҳатҳои гуногуни ҷисмонӣ бардошта, ҳангоми интиқол ба беморхона дар роҳ ҷон додааст.
Вобаста ба ин ҳодиса санҷиши пешакӣ идома дошта, гумонбар дар бозшдошт қарор дорад.