Бархе мардони тоҷик танҳо ба хотири худро дар чашми дигарон зӯру тавоно нишон додан, баҳудаву беҳуда ҳамсарашонро зери мушту лагад мегиранд. Мехостам донам, ки дини мубини ислом дар хусуси мардҳое, ки занашонро бо баҳонаҳои ночиз мезананд, чӣ фармудааст?

АМИРА, ноҳияи Панҷ

Посухи Ҷамолиддин Хомӯшӣ:

- Дар «Саҳеҳ»-и Муслим омадааст, ки паёмбари Акрам (с) фармуданд: «Занонро лату кӯб накунед! Ҳар касе занашро бесабаб мезанад, ман, ки пайғамбарам, рӯзи қиёмат душмани ӯ хоҳам буд». Марде, ки занро бесабаб мезанад, гӯё бар Худо ва Расул исён кардааст.