Донишгоҳи давлатии молия ва иқтисоди Тоҷикистон муассисаи таълимии бонуфузест, ки дар фазои таълимоти кишвар ва берун аз он ҷойгоҳи хоссаи худро дорост. Донишгоҳ бонуфузарин маркази илмию таълимии Ҷумҳурии Тоҷикистон ба шумор рафта, даспарварони ин боргоҳи илму маърифат дар пешрафти давлати мустақили Тоҷикистон саҳми арзанда мегузоранд. Донишгоҳ асосан мутахассисони соҳаи молия, иқтисод, ҳуқуқ ва IT - технологияҳоро омода месозад.
Донишгоҳи давлатии молия ва иқтисоди Тоҷикистон дорои 5 бинои таълимӣ, 6 факултет, 19 кафедраи тахассусӣ ва 8 кафедраи умумидонишгоҳӣ мебошад. Дар донишгоҳ заминаи муосир ва мукаммали моддию техникӣ фароҳам оварда шуда, айни замон дар донишгоҳ зиёда аз 2100 таҷҳизоти муосири информатсионию коммуникатсионии навъи гуногун, марказҳои интернетӣ ва забономӯзӣ, синфхонаҳои компютерӣ, кабинетҳои лингафонӣ, озмоишгоҳи таълимӣ, китобхонаи илмӣ ва электронӣ, осорхона, бунгоҳи тиббӣ ва маҷмааву майдончаҳои варзишӣ мебошад. Донишгоҳ дорои беҳтарин хобгоҳҳои муҷаҳҳаз бо таҷҳизоти муосир барои донишҷӯён ва омӯзгорони ватанию хориҷӣ аст.
Айни замон дар донишгоҳ 19 нафар доктор ва профессорон, 128 нафар номзади илм, 216 нафар муаллими калон ва ассистентон, дар маҷмуъ 363 нафар устодон ба фаъолияти таълимӣ машғуланд.
Имрӯз теъдоди умумии донишҷӯён зиёда аз 9000-ро ташкил медиҳад, ки бо фарогирии дараҷаҳои академӣ, бакалавр, мутахассис ва магистратура ба таҳсил фаро гирифта шудаанд. Таҳсил дар ДДМИТ бо 3 забон - тоҷикӣ, русӣ ва англисӣ ба роҳ монда шуда, беҳтарин омӯзгорони дорои дараҷа ва унвони илмӣ ба машғулиятҳои дарсӣ сафарбар гардидаанд.
ДДМИТ ба дастовардҳои назаррас ноил гардидааст, аз ҷумла:
- ДДМИТ дар соли 2024 аз аккредитатсияи институтсионалии байналмилалӣ гузашта, соҳиби сертификати махсус барои 5 соли оянда гардид. Аккредитатсия аз ҷониби Агентии мустақил оид ба таъмини сифати таҳсилот (IQAA), ки дар Ҷумҳурии Қазоқистон ҷойгир аст, гузаронида шуд.
- ДДМИТ аз аттестатсияи Агентии назорат дар соҳаи маориф ва илми назди Президенти Ҷумҳурии Тоҷикистон гузашта, “Иҷозатнома ва замима”-и онро барои фаъолияти минбаъда дарёфт кард.
- Дар донишгоҳ 6 ихтисоси нави ба бозори меҳнат ҷавобгӯй - «Иқтисодиёт ва молияи бозори амвол», «Иқтисодиёт ва молияи корхонаҳои хоҷагии шаҳр», «Иқтисодиёт ва молияи хоҷагии манзилию комуналӣ», «Менеҷменти лоиҳаҳои рақамӣ», «Иқтисоди сабз» ва «Иқтисодиёт» кушода шуд.
- «Стратегияи рушди Донишгоҳи давлатии молия ва иқтисоди Тоҷикистон барои солҳои 2024-2028» таҳия ва қабул гардид.
- ДДМИТ дар Рейтинги муассисаҳои таҳсилоти олии касбӣ, ки аз ҷониби Агентии назорат дар соҳаи маориф ва илми назди Президенти Ҷумҳурии Тоҷикистон баргузор карда мешавад, мақоми 4-умро устувор нигоҳ дошт.
- Санаи 25-уми октябри соли сипаришуда бо фармоиши дахлдори раиси КОА-и назди Президенти Ҷумҳурии Тоҷикистон таҳти №402/шд шурои номзадии амалкунандаи донишгоҳ ба шурои докторӣ табдил дода шуд, ки аз рӯйи се ихтисос дараҷаи илмӣ медиҳад.
- Дар соли 2024 дар ДДМИТ 2 озмуни ҷумҳуриявӣ «Донандаи Кодекси андози Ҷумҳурии Тоҷикистон» ва «Барномасози беҳтарин» миёни донишҷӯёни МТОК ва 9 конференсияҳои сатҳи гуногун баргузор гардид.
- ДДМИТ то имрӯз бо зиёда аз 153 донишгоҳ ва ташкилотҳои дохилӣ ва хориҷӣ шартномаи ҳамкорӣ бастааст. Дар доираи шартномаҳои ҳамкории баимзорасонидашуда масъалаҳои табодули академӣ ва ҳамкорӣ дар самти корҳои таълимӣ ва таҳқиқотҳои илмӣ баррасӣ гашта, ташрифи меҳмонони хориҷӣ ба донишгоҳ ба роҳ монда шудааст.
Шароити имрўзаи иқтисодӣ ва талабот дар бозори ҷаҳонии меҳнат аз мутахассисони ҷавон маҳорат ва тахассуси баланди касбӣ, дониши ҳаматарафа, ҷаҳонбинии васеъ, забондонӣ, қобилияти мутобиқшавӣ ба шароити кунунии иқтисодиву иҷтимоӣ, малакаи баланди истифода аз технологияҳои навтаринро талаб менамояд, ки ҳамаи инро ДДМИТ ба мутахассиси оянда дода метавонад.
Бо интихоби ихтисосҳои ДДМИТ Шумо метавонед ба таълими хушсифат ва шароитҳои мусоиди таҳсил дастрасӣ пайдо карда, барои таъмини ояндаи нек замина гузоред.
ИНТИХОБИ ДОНИШГОҲИ МО - КАФИЛИ МУВАФФАҚИЯТҲОИ ШУМО!
МАРҲАБО БА ДОНИШГОҲИ МО!
Маълумоти муфассалро дар сомонаи донишгоҳ ва саҳифаҳо дар сомонаҳои иҷтимоӣ дастрас намоед: www.tgfeu.tj
Суроға: 734067, ш. Душанбе, кўчаи Нахимов 64/14
Тел.: 231-08-43, 918-75-76-68
Нақлиёт: автобуси №18, 20, 29, 10. Троллейбуси №5.
Микроавтобусҳои №2, 10, 14, 19, 54, 45, 56, 6.
Истгоҳи ДДМИТ
