Шаҳрвандоне, ки мувофиқи ҳукми суд аз озодӣ маҳрум гашта дар ҷойҳои махсус, яъне маҳбас нигоҳ дошта мешаванд, ҳуқуқи оила барпо намудан ва бастани ақди никоҳро доранд?
Р. М.
Посух
Бале, ин шахсон ҳуқуқи бастани ақди никоҳро доранд. Мувофиқи қисми 8 –и моддаи 36 Қонуни ҶТ “Дар бораи бақайдгирии давлатии асноди ҳолати шаҳрвандӣ” бақайдгирии давлатии ақди никоҳ бо шахсе, ки дар ҷойҳои маҳрум аз озодӣ мӯҳлати ҷазоро адо менамояд, дар ҷое, ки роҳбари муассисаи дахлдор бо мувофиқаи роҳбари мақомоти сабти асноди ҳолати шаҳрвандӣ муайян намудааст, ба ҷо оварда мешавад.
