26-август дар шаҳри Самарқанди Ҷумҳурии Ӯзбекистон намоиши “Кундал” баргузор мегардад. Дар ин бора Ғанизода Ҷамшед Шуҷоат, Ректори Донишкадаи давлатии санъати тасвирӣ ва дизайн зимни нишасти матбуотӣ хабар дод.
Намоиши беҳтарин асарҳои санъати тасвирӣ бо унвони “Кундал: устод ва шогирд” дар маркази шаҳри бостонии Самарқанд, дар маҷмааи Регистон баргузор гашта, дар он се нафар устодони Донишкадаи давлатии санъати тасвирӣ ва дизайни Тоҷикистон Шифоев Собон, Рақибов Маҳмадкарим ва Бойматова Муноҷот бо ҳамроҳии шогирдонашон дар маҷмӯъ зиёда аз 90 асарро ба маърази тамошои умум мегузоранд.
Намоиши “Кундал: устод ва шогирд” ба ҷашни Истиқлолияти Давлатии Ҷумҳурии Тоҷикистон бахшида шуда, муддати як ҳафта идома хоҳад ёфт.
