Мактаббачаҳои тоҷик дар Олимпиадаи байналмилалии Infomatrix - Asia 2025 донишу маҳорати баланд нишон дода, соҳиби ҷойҳои намоён гаштаанд. Дар ин бора Вазорати маориф ва илми кишвар хабар додааст.

Олимпиадаи байналмилалии Infomatrix - Asia 2025 аз 29 то 31-уми март дар шаҳри Остонаи Қазоқистон баргузор гашта, ҷавонони эҷодкор ва хушзеҳн дар бахши технологияҳои информатсионӣ дар 9 номинатсия, аз ҷумла графикаи компютерӣ, таҳияи филми кӯтоҳмуддат, лоиҳаҳои илмӣ-амалӣ, стартап-хакатон ва ғайра рақобат намудаанд. Хонандагони тоҷик дар ин сабқати зеҳнӣ ду ҷойи дуюм ва ду ҷойи сеюмро ишғол кардаанд.

Ғолибони олимпиадаи мазкур аз саросари ҷаҳон имкони ба донишгоҳҳои машҳури олии хориҷӣ дохил шуданро ба даст меоранд.