Vegapharm
Хоҳарам номзадамро дуздид!
2763

 

Маро бо Фирӯз ном ҷавоне, ки дар Русия кору зиндагӣ мекард, номзад намуданд. Тариқи сомонаи “Одноклассники” суҳбат карда, оҳиста-оҳиста ба ҳамдигар меҳр бастем.

Ҷавон ба ман ваъдаҳои осмонӣ медоду мани сода ба қавлу қасамҳои ӯ бовар карда, хаёлан қасри бахт месохтам. Ҳамин тариқ аз байн қариб шаш моҳ сипарӣ гашт. Рӯзе телефонам тасодуфан ба об афтид ва ман аз телефони хоҳарам ба ӯ занг зада, гуфтам, ки як муддате наметавонам бо ӯ дар тамос шавам. Фирӯз ваъда дод, ки ба ман телефони нав харида мефиристад, вале аз байн чанд вақт гузашту на аз телефони ваъдагӣ дарак шуд ва на аз худи номзадам. Ба ташвиш афтидам, ки мабодо бо ӯ ягон ҳодисаи нохуш рӯй надода бошад. Аз хоҳарам хоҳиш намудам, ки телефонашро диҳад, то ки ман ба Фирӯз занг занам. Як дақиқа сабр кун гӯён, хоҳарам аввал паёмакҳои телефонашро тоза карду баъд онро ба ман дод. Ин рафтораш маро ба ҳайрат оварда бошад ҳам, чизе напурсида ба Фирӯз занг задам. Ҳангоми суҳбат эҳсос намудам, ки Фирӯз чандон майли бо ман чақ-чақ кардан надорад. Хайрухуш карда аз сомона баромадам. Пас аз ин бо телефони хоҳарам чанд бори дигар тариқи вайбер бо Фирӯз гап зада бошем ҳам, аз навиштаҳояш эҳсос мекардам, ки дигар аз он меҳру муҳаббати пешинааш осоре намондааст. Сабаби сард муносибат карданашро пурсон шавам, серкор буданашро баҳона мекард, вале оқибат ҳамааш рӯйи об баромад. Як рӯз хоҳарам телефонашро монда ба хонаи дугонааш рафт. Саргарми чойнӯшӣ будам, ки ба телефонаш паёмак омад. Ҳисси кунҷковиам боло гирифту чашм ба экран дӯхтам. Рақамҳои Фирӯзро дида, гумон кардам, ки ба ман смс навиштааст ва осемасар онро кушодам. СМС-ро хондаму ҳуш аз сарам парид. Номзади ман ба хоҳарам паёмаки ошиқона навишта буд. Сир бой надода аз номи хоҳарам ҷавоб навиштам. Ҳамин тариқ мо қариб ним соат паёмакбозӣ кардем ва ман фаҳмидам, ки Фирӯз кайҳо боз тариқи телефон бо хоҳарам суҳбатҳои ошиқона мекардааст. “Ман дилу нияти бо Руқия хонадор шудан надорам, вале намедонам чӣ тавр инро ба апаат фаҳмонам” навишт Фирӯз. Дигар тоқат кардан натавониста дар ҷавоб навиштам, ки ман Руқия ҳастам ва ҳамаашро фаҳмидаму дигар ҳоҷати гап задан нест. “Ин тавр бошад, ба ту бахти сафед мехоҳам!” навишт Фирӯз ва телефонашро хомӯш кард. Ман ба тақдир тан дода интизор будам, ки Фирӯз бо хоҳарам хонадор мешавад, вале баъди чанде худ аз худ муносибатҳояшон вайрон шуд. Хоҳарам ба як ҷавони дигар ба шавҳар баромада ба Русия рафт. Аз байн чанд сол гузашта бошад ҳам, Фирӯз маро ба ҳоли худам нагузошта, то ҳол занг мезанад. Вай ҳама айбу гуноҳро ба гардани хоҳарам партофта, зорию тавалло карда истодааст, ки ба ӯ ба шавҳар бароям. Мегӯяд, ки агар ба Русия омадан нахоҳӣ, дар ватани худамон зиндагӣ мекунем. Дар Душанбе бароят хона харида медиҳам, баъди тӯй ту дар ҳамон ҷо зиндагӣ кардан мегирӣ, ман бошам ҳар сол як бор ба наздат меоям мегӯяд. Намедонам ба гапаш бовар кунам ё не, чунки вай аллакай як маротиба маро фиреб дода, диламро аз зиндагӣ хунук карда буд.

Хонандагони азиз, илтимос, ба ман маслиҳат диҳед, чӣ кор кунам? Риштаи тақдирамро бо Фирӯз пайвандам ё не?

Бо эҳтиром: Руқия

Поделиться новостью
Шарҳ
(8)
Ҳамдард 2020-02-22, 17:42
Хоҳари азиз ба фикри ман бовараш накун .Агар у ростгуй ва ошиқат мебуд ин корро дар ҳақат намекард шахсе як маротиба туро фурухт дигарбора туро тарк мекунад. Агар бо у хонадорам шави ин хиёнати кардааш пеши руят омадан мегирад ва худат азоби руҳи мебини. Ин ҳолатро манҳам аз сар гузарондам шавҳарам бо ҷиянам чунин хиёнат карданд ман аз баҳри ҳардуяш гузаштам.Ҳарчанд пушаймон шуда буду бахшиш мепурсид. Вале дар қалбам нороҳатие буд.
Посух
Oshiq 2020-02-22, 21:16
Як бори дигар имконият диҳед..Пеш аз хонадор шудан шартҳоятонро гузоред..
Посух
Ммммодар 2020-02-23, 02:44
Не бе шавҳар набаро дуруғнуй ҳамон хел мемонад
Посух
Jony 2020-02-23, 11:22
Холо ба ягон кас бовар кардан душвор шудааст апачон
Посух
Чанат 2020-02-24, 10:15
Хохар бовар накун ин чавон туро фиреб метият мисли ту чан тои дигар дорат
Посух
Зарнигор 2020-02-24, 10:25
Вай дар як вактикутох туро о хохарат иваз кард ва боз ба ту часпид аз суханхои гуфтааш аз хохарат е аз ту шарм намекунад вай алакай ягон хонуми дигар дорад хаетадро насузон вай булхавас аст дар оянда низ ин рафторашро такрор мекунанд боз худат медонй!!!!!
Посух
Ноза 2020-03-06, 20:45
У бо хахари шумо гап задааст дигар кас мебуд бахшидан мумкин буд
Посух
Бандаи Аллох 2020-10-19, 03:12
Кадахи шикастаро аз нав часпонида намешавад .Чандин духтарои ба ошиконашон Ду бораю себора имкон дода дар охир пушаймон шудан .Шояд шумо бо у буданми мехохед ин ихтиери шумо ,лекин аз 100% Ман 99%гуфта метасонан ,Ки у он одаташиро тарк намекунад ва шумо бо у хушбахт намешавад.
Посух
НОМАТОНРО НАВИСЕД
ШАРҲАТОНРО ГУЗОРЕД
Шарҳ
(8)
Ҳамдард 2020-02-22, 17:42
Хоҳари азиз ба фикри ман бовараш накун .Агар у ростгуй ва ошиқат мебуд ин корро дар ҳақат намекард шахсе як маротиба туро фурухт дигарбора туро тарк мекунад. Агар бо у хонадорам шави ин хиёнати кардааш пеши руят омадан мегирад ва худат азоби руҳи мебини. Ин ҳолатро манҳам аз сар гузарондам шавҳарам бо ҷиянам чунин хиёнат карданд ман аз баҳри ҳардуяш гузаштам.Ҳарчанд пушаймон шуда буду бахшиш мепурсид. Вале дар қалбам нороҳатие буд.
Посух
Oshiq 2020-02-22, 21:16
Як бори дигар имконият диҳед..Пеш аз хонадор шудан шартҳоятонро гузоред..
Посух
Ммммодар 2020-02-23, 02:44
Не бе шавҳар набаро дуруғнуй ҳамон хел мемонад
Посух
Jony 2020-02-23, 11:22
Холо ба ягон кас бовар кардан душвор шудааст апачон
Посух
Чанат 2020-02-24, 10:15
Хохар бовар накун ин чавон туро фиреб метият мисли ту чан тои дигар дорат
Посух
Зарнигор 2020-02-24, 10:25
Вай дар як вактикутох туро о хохарат иваз кард ва боз ба ту часпид аз суханхои гуфтааш аз хохарат е аз ту шарм намекунад вай алакай ягон хонуми дигар дорад хаетадро насузон вай булхавас аст дар оянда низ ин рафторашро такрор мекунанд боз худат медонй!!!!!
Посух
Ноза 2020-03-06, 20:45
У бо хахари шумо гап задааст дигар кас мебуд бахшидан мумкин буд
Посух
Бандаи Аллох 2020-10-19, 03:12
Кадахи шикастаро аз нав часпонида намешавад .Чандин духтарои ба ошиконашон Ду бораю себора имкон дода дар охир пушаймон шудан .Шояд шумо бо у буданми мехохед ин ихтиери шумо ,лекин аз 100% Ман 99%гуфта метасонан ,Ки у он одаташиро тарк намекунад ва шумо бо у хушбахт намешавад.
Посух
НОМАТОНРО НАВИСЕД
ШАРҲАТОНРО ГУЗОРЕД