Салом! Мехостам ба як масъала равшанӣ андозед. Кӯдак, агар дар тарбияи волидонаш қарор надошта бошад, оё дар ин ҳолат алимент ҷудо карда мешавад? Кӯдаконе, ки дар тарбияи давлат қарор доранд, волидони онҳо алимент месупоранд ё не? Кӯдак дар хонаи бачаҳо бошад, дар ин ҳолат алимент ба фоидаи кӣ рӯёнида мешавад?

Посух
Тибқи талаботи моддаи 91-и “Кодекси оила» агар кӯдакон таҳти таъминоти пурраи давлат ё ташкилоти ҷамъиятӣ қарор гирифта бошанд, суд ҳуқуқ дорад андозаи алиментро кам кунад ё аз пардохти он озод намояд. Маблағҳое, ки аз падару модар барои таъминоти кӯдакони дар муассисаҳои кӯдаконаи давлатӣ ҷойгиркардашуда пардохта мешаванд, ба ҳисобномаҳои шахсии тарбиятгирандагон дар бонкҳои амонатӣ гузаронида мешавад.