Дар бораи ҳусни худоро дидани пайғамбари Худо баҳс доштем. Кӯтоҳ карда мегӯям, ки рост аст, ки Паёмбари Худо (с) дар шаби Меъроҷ Худовандро дидааст?
Акрам Азимов, ш. Норак
Ба ин саволи хонандаи сомонаи ОИЛА ТҶ намояндаи Раёсати уламои ҶТ чунин посух гуфт:
Дар ин масъала миёни уламо ихтилоф вуҷуд дорад, зеро ривоятҳое, ки дар ин боб ворид шудаанд, гуногун аст. Мувофиқи ривояти Ибни Аббос (р) Паёмбар (с) Худовандро дидааст, аммо ривояти Оиша (р) онро рад мекунад. Бинобар қавли роҷеҳ ҳазрати Пайғамбар (с) дар шаби Меъроҷ Худовандро бо чашмонаш надидааст, балки бо қалбаш дидааст, зеро Худованд на дар ин дунё, балки дар охират бо чашми сар дида мешавад.
