КАМПИРМ БЕЧОРАРО БО ЭЛЕКТРОШОКЕР БЕҲУШ КАРДАНДУ....
03.08.2020
Р. Азимӣ
2185

Вазорати умури дохилии Тоҷикистон аз боздошти се ҷавон хабар медиҳад, ки дар ғорату латтукӯби як зани солхӯрда муттаҳам мешаванд.

Тибқи иттилои ин ниҳод, ҳодисаи дуздӣ санаи 10 июли соли ҷорӣ дар пойтахт сар задааст.

 
Ба иттилои манбаъ, ҷавонон дар рӯй ниқоб ба манзили истиқоматии Дадабоева Роҳилаи 72 сола даромада, ӯро зери мушту лагат қарор дода маблағҳои ӯро рабудаанд.

Манбаъ мегӯяд, дар пайи чораҳои оперативӣ ҷустуҷӯйи бо гумони ғорат шаҳрвандон Холиқов Абдухолиқи 33 сола, ки қаблан се бор суд шудаааст, Исоев Фаромарзи 33 сола ва Лоиқов Муҳаммадшоҳи 24 сола ва Исоев Мирзоватани 33 сола боздошт гаштаанд.

Тибқи иттилои манбаъ, боздоштшудаҳо худро устои бомпӯш муаррифӣ карда ба таври зӯрӣ вориди хонаи пиразан гашта ӯро пас аз латтукӯб бо рӯймол дасту пояшро бастаанд.

Гуфта мешавад ҳамзамон гумонбарон бо электрошокер кампирро беҳуш карда, аз хонааш 40 ҳазор сомониро рабудаанд.

ВУД мегӯяд, нисбати боздоштшудаҳо парвандаи ҷиноӣ оғоз шуда, тафтишот идома дорад.

 

Поделиться новостью
Шарҳ
(0)
ҲАНУЗ ШАРҲ НЕСТ
НОМАТОНРО НАВИСЕД
ШАРҲАТОНРО ГУЗОРЕД
Шарҳ
(0)
ҲАНУЗ ШАРҲ НЕСТ
НОМАТОНРО НАВИСЕД
ШАРҲАТОНРО ГУЗОРЕД