Маҳсулоти лозима:

500 грамм дилаи каду, 1 сабзӣ, 1 картошка, 1 пиёз, пудинаи кӯфта, 2 дандона сирпиёз (чеснок), ним қошуқча паприка, 2 қошуқча намак, 700 мл об, 40 мл равғани растанӣ.

Тарзи таҳия:

Дилаи каду, картошка, сабзӣ ва пиёзро чоркунҷа реза кунед. Сирпиёзро кӯбед. Дар равғани тафсон пиёзу сирпиёзро сурх кунеду ба он картошкаву сабзии резаро илова карда, 3 дақиқа пазед. Баъдан кадуро андохта, 2 дақиқа пазед. Обро илова карда, то пухтани сабзавот 20-25 дақиқа пазед. Дар охир хӯрокро бо блендер то пюремонанд шуданаш лат занед.