Дар маъракаҳо зиёд мешунавем, ки дастгиршудаҳоро пайвандонашон пуштибонӣ карда мегӯянд, ки ӯро “подставит” карданд ва чанд сол ҷазо ҳам пешбинӣ намуданд. Аммо мехостам фаҳмам, ки ҷинояткор вақте аз ҷониби суд эътироф шуд, ӯро бегуноҳ гуфтан мумкин аст, ягон ҷавобгарӣ надорад?

Олим, н. Вахш

Ҷавоб: Гуноҳи шасх дар содир кардани ҷиноят танҳо аз ҷониби суд эътироф карда мешавад. Танҳо суд метавонад шахсро дар содир кардани ҷиноят гунаҳгор эътироф карда, нисбаташ ҷазо таъин намояд ва ё бегуноҳ эътироф намояд. Ин ҳолат ба нуқтаи назари ягон шахс вобастагӣ надорад. Вақте шахс аз ҷониби суд гунаҳгор эътироф шуд, бегуноҳ гуфтани вай ягон асос ва маънӣ надорад.