Саломатиам хуб нест, вале кӯшиш мекунам, ки давоҳоямро баъд аз рӯза кушодан ба баданам гузаронам.
Духтур ба ман шамъдору ҳам навиштааст. Ба хотире, ки ҳамаи доруҳо рӯ ба рӯ нашавад, метавонам онро давоми рӯз гузорам? Ба рӯза доштанам халал намерасонад?
Зуҳро, н. Рӯдакӣ
Посухи Ҷамолиддин Хомӯшӣ, сардори Раёсати фатвои ҶТ
Хоҳари гиромӣ, шамъдору ё свеча, ки бо забони арабӣ таҳмирӣ ё лабус мегӯянд, равғанӣ аст. Вақте инсон онро ба бадан мегузорад, бо ҳарорати бадан он ҷабида мешавад ва барои ислоҳи бадан аст. Аз ин хотир рӯзаро мешиканад.
