Гарданбанди қимматтарини ҷаҳон, ки бо нархи 55 млн доллар ба китоби рекордҳои Гиннес ворид карда шуд, моҳи октябри соли ҷорӣ ба фурӯш гузошта мешавад.
Гарданбанди “Беназир”-ро яке аз заргарони хонаи ҷавоҳироти Mouawad омода намудааст. Онро 90 дона бриллианти сафеди бо тиллои гулобӣ омехташуда оро медиҳанд, ки вазни умумияшон 230 карат аст.
Ороиши асосии ҷавоҳироти “Беназир” бриллианти зарди вазнаш беш аз 407 карат аст. Ин санги қимматбаҳоро 30 сол қабл аз Ҷумҳурии Демократии Конго дарёфт намудаанд.
