Тими футболи наврасони то 17-солаи тоҷик (U-17) таҳти сарварии сармураббӣ Далер Каёсов бо мақсади омодагӣ ба қисми ниҳоии “Ҷоми Осиё-2026” ба шаҳри Дубай сафар карданд.
26 нафар футболбозони ҷавони тоҷик дар доираи омодагиҳо ба мусобиқоти “Ҷоми осиё 2026” то 2-юми май дар Дубай машғулият мегузаронанд. Аз ин шумора 3 нафарашон дарвозабонҳо - Абубакр Раҳмонқулов («Панджшер»), Муҳаммадраҳим Раҳмонов («Ҳосилот») ва Рамазон Абдуллозода («Душанбе»), 10 нафарашон ҳимоятгарон - Исломҷон Хоҷиев (Академияи «Крылья Советов», Русия), Мактум Алидодов («Ал-Наср», АМА), Фурқон Раҳимзода («Ҳосилот»), Мустафо Ҳасанбеков («Истиқлол»), Садриддин Сатторов, Озодбек Танджихолов, Ёкубҷон Муродов (ҳама аз «Вахш»), Мунаввар Анварзод, Ҳикматулло Кабиров, Муҳаммадҷон Кароматуллозода («Душанбе»), 9 нафар нимҳимоятгарон - Ёсин Юсупов (Академияи «Леванте», Испания), Меҳрубон Одилзода («Истиқлол»), Парвиз Бобоназаров («Вахш»), Муҳаммадҷон Мираҳмадов («Барқчӣ»), Олимҷон Олимов, Сиёвуш Назаров, Азизҷон Шодиев, Комилҷон Шарипов, Фирдавсӣ Ҳалимов («Душанбе») ва 4 нафар ҳамлагарон - Парвиз Сангов («Космос», Русия), Асадбек Махтумов («Эсхата»), Биҳиштӣ Раҷабзод, Алишҷон Шуҳратҷонзода («Душанбе») мебошанд, вале танҳо 23 нафар бозингарон ба рӯйхати ниҳоии даста барои иштирок дар мусобиқоти “Ҷоми Осиё-2026” дохил мешаванд.
Ситоди мураббиён нақша дорад, ки тавассути машқу тамрин дар Дубай робитаи бозигаронро қавӣ гардонида, беҳтаринҳоро муайян ва дастаи пурқувватро созанд.
Ёдрас мешавем, ки мусобиқоти “Ҷоми Осиё-2026” аз 5-ум то 22-юми май дар Арабистони Саудӣ баргузор гашта, Тоҷикистон дар гурӯҳи A бо дастаҳои Арабистони Саудӣ, Тайланд ва Мянма рақобат мекунад. Футболбозони тоҷик санаи 5-уми май бо Тайланд, 9-уми май бо Мянма ва 12-уми май бо Арабистони Саудӣ қувваозмоӣ хоҳанд кард.
Мусобиқоти “Ҷоми Осиё 2025” барои наврасон яке аз мусобиқаҳои калидӣ ба шумор меравад. Аз натиҷаҳои ин мусобиқа иштирокчиёни “Ҷоми ҷаҳон-2026” миёни наврасон муайян мегарданд.
