Форуми байналмилалии “Нақши занон
дар эҳёи суннатҳои наврӯзӣ» дар Душанбе
Бо ибтикори Кумитаи кор бо занон ва оилаи назди Ҳукумати Ҷумҳурии Тоҷикистон рӯзи 31-уми март дар Китобхонаи миллии Тоҷикистон таҳти унвони «Нақши занон дар эҳёи суннатҳои наврӯзӣ» форуми байналмилалӣ доир мегардад.
Дар форум занон–дипломатҳои ҳавзаи Наврӯз ва сафирони ин мамлакатҳо дар Тоҷикистон, ходимони илм, намояндагони вазорату идораҳо, ташкилоти байналмилалӣ ва ҷамъиятӣ ширкат меварзанд. Саҳми занон дар эҳёи анъанаҳои миллӣ, тарбияи насли наврас дар руҳияи эҳтиром ба арзишҳои фарҳангӣ, нақши оила дар нигоҳдории расму ойинҳои наврӯзӣ ва густариши ҳамкории байналмилалӣ дар самти ҳифзи мероси ғайримоддӣ аз мавзуъҳои асосие мебошанд, ки дар форум баррасӣ мегарданд.
