Ширкати FORMULA55 дар доираи лоиҳаи "Тоҷикистон ба пеш" аввалин қаҳрамони ҷаҳон аз Тоҷикистон оид ба гӯштингирӣ, қаҳрамони Осиё, дорандаи медали тиллои Ҷоми Раиси Душанбе ва чандинкарата ғолиби мусобиқаҳои байналмилалӣ - Шакармахмад Мирмахмадовро дастгирӣ кард.
Нишасти матбуотӣ дар Қасри теннис ва варзишҳои обии шаҳри Душанбе баргузор гардид. Дар чорабинӣ директори генералии ширкати FORMULA55 Подчаев Баҳром Рустамович, намояндагони Кумитаи кор бо ҷавонон ва варзиш, Шакармахмад Мирмахмадов, инчунин мухлисон ва ҳаводорони варзиши тоҷик иштирок доштанд.
Шакармахмад Мирмахмадов яке аз чеҳраҳои барҷастаи варзиши Тоҷикистон мебошад. Ӯ дар вазни вазнин ҳунарнамоӣ намуда, ба натиҷаҳои назаррас дар гӯштини миллӣ ва ҳам дар дзюдо ноил гаштааст. Дар рафти нишасти матбуотӣ варзишгар аз фарқиятҳои ин ду навъи гӯштин ҳарф зада, дар мавриди фаъолияту таҷрибаи варзишии худ суханронӣ кард. Инчунин нақшаҳои худро барои идомаи муаррифии Тоҷикистон дар арсаи байналмилалӣ изҳор намуд.
Барои нишон додани дастовардҳои арзанда ва муаррифии давлат дар арсаи байналмилалӣ Ширкати FORMULA55 ба қаҳрамони ҷаҳон ҷоизаи махсус ва мукофоти пулиро тақдим кард.
Лоиҳаи «Тоҷикистон ба пеш» барои дастгирии варзишгарон ва рушди варзиши тоҷик равона шудааст.
FORMULA55 - Мо варзишро рушд медиҳем!
