Аз Киштутӣ пурсиданд:

- Такаббур чист?

Гуфт:

- Душман дар ҷомаи дӯст ва сифаташ мунофиқию худпарастию беэҳтиромӣ ба дигарон.

Пурсиданд:

- Ба ин гуфта чӣ далел дорӣ?

Гуфт:

- Дар ояти Қуръон (сураи Бақара, ояти 34) омадааст, ки шайтон ба сабаби такаббур аз фармони Худо сарпечӣ кард ва тавқи лаънат ба гарданаш афтод.

Боз пурсиданд:

- Такаббурро бо чӣ метавон иваз кард?

Гуфт:

- Тавозуъ ва хоксорӣ, ки сифатҳои дӯстдоштаи Худоянд.

Мутакаббире, ки дар он суҳбат ҳузур дошт, кайк дар пӯстинаш афтод ва пурсид:

- Агар иваз накардӣ, оқибаташ чӣ хоҳад буд?

Гуфт:

- Он чӣ дар ҳадисҳои паёмбар Муҳаммад (с) омадааст: "Ҳар касе, ки дар дил ҳатто ба андозаи заррае ҳам бошад, такаббур дошта бошад, биҳишт ҷойи ӯ нест".