Дар шаҳри Коттаккали Ҳиндустон наздикони як духтари 17-сола баъд аз сипарӣ гардидани ду шабонарӯз аз тавлид ёфтани тифл дар хонаашон хабар ёфтанд. Азбаски падари духтар шабона дар кору рӯзона хоб рафта, модараш нобино будааст, аз ҳомиладории ӯ наздиконаш хабар наёфтаанд. Тавре маълум шуд, духтар тамоми моҳҳои ҳомиладорӣ тавассути роликҳои интернетӣ дар YouTube чӣ гуна таваллуд карданро омӯхта, барои ба дунё омадани тифлаш омодагии пурра дидааст. Айни замон модару кӯдак дар беморхона қарор доранд, вале падари тифл, ки ҷавони 21-сола аст, ба ҳабс гирифта шуд.