Ҳиндудухтар Ниланши Пател, ки рекорди духтари кокулдарозро ба даст оварда буд, акнун мӯйҳои дарозашро қайчӣ кард. Рекорди кокулони дарозтарин дар миёни наврасон соли 2018 гузошта шуда буд. Он замон Ниланши 16 сол дошту дарозии мӯяш 170, 5 сантиметрро дар бар мегирифт. Охирин маротибае, ки кокулони Ниланширо андозагирӣ намуданд, дарозии мӯяш ба 200 см расида буд. Духтарак аз синни шашсолагӣ мӯяшро қайчӣ накарда буд, танҳо баъди 12 сол кокулони дарозашро бурида, онро ба осорхона додааст. Вазни кокулони буридашуда 266 граммро ташкил доданд.
