Донишҷӯи Коллеҷи педагогии шаҳри Турсунзода Одинахон Асадова дар олимпиадаи байналмилалии забони англисӣ, ки дар шаҳри Дубай баргузор гардид, ҷойи сеюмро ишғол кард.
Дар ин бора Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон хабар додааст.
Ба иттилои манбаъ, Одинахон Асадова акнун кишварро дар марҳалаи дуюми олимпиада намояндагӣ хоҳад кард, ки моҳи июл дар пойтахти Аморати Муттаҳидаи Араб - шаҳри Абу-Дабӣ баргузор мешавад.
