Дар шаҳри Маскав президенти дастаи «Равшан» Зафар Соҳибназар бо мутахассиси шинохта Дмитрий Черишев шартномаи ҳамкорӣ барои мавсими 2025-ро ба имзо расонид.
ТВ “Варзиш” бо истинод ба дафтари матбуотии «Равшан» хабар дод, ки Черишев рӯзҳои наздик ба Тоҷикистон омада, машқу тамринҳои дастаҷамъонаро дар шаҳри Душанбе ва яке аз кишварҳои хориҷӣ роҳандозӣ хоҳад кард.
Мутахассиси рус қаблан роҳбарии дастаи «Шинник»-ро ба уҳда дошт ва 17-уми декабр аз вазифааш озод шудааст. Черишев падари Денис Черишев - футболбози маъруфи Русия аст, ки дар дастаҳои номдори Испания, аз ҷумла «Реал Мадрид», «Валенсия» ва «Вилярреал» бозӣ кардааст.
