Директори бошгоҳи футболи «Истаравшан» Алишер Фозилов аз мақомаш барканор гардидааст.

Тибқи иттилои дафтари матбуоти бошгоҳ, сабаби барканории ӯ натиҷаҳои ғайриқаноатбахши даста дар мавсими ҷорӣ мебошад. Гуфта мешавад, ки ин қарор дар доираи арзёбии вазъи кунунӣ ва фаъолияти клуб, инчунин бо мақсади ворид намудани тағйироти зарурӣ барои беҳтар намудани натиҷаҳои даста қабул шудааст.

Дар бошгоҳ таъкид кардаанд, ки дар марҳилаи кунунӣ тамоми талошҳо барои ба эътидол овардани вазъи даста, беҳтар намудани натиҷаҳо ва иҷрои ҳадафҳои пешгузошташуда равона хоҳанд шуд.