Ду довар аз Тоҷикистон ба рӯйхати довароне, ки бозиҳои қисми ниҳоии Ҷоми Осиё-2025 миёни дастаҳои наврасони то 17-соларо ҳакамӣ мекунанд, шомил шудаанд.

Бино ба иттилои ТВ “Варзиш”, ба рӯйхати доварони Ҷоми Осиё-2025 миёни наврасон довари ФИФА Абдулло Давлатов ва ёвари довари ФИФА Вафо Қараев дохил гардидаанд.

Қисми ниҳоии Ҷоми Осиё-2025 байни дастаҳои наврасони то 17-сола аз 3 то 20-уми апрел дар Арабистони Саудӣ баргузор мешавад. Дар марҳилаи гурӯҳии мусобиқот 16 даста, аз ҷумла тими Тоҷикистон ширкат мекунанд.

Ҳама дастаҳое, ки ба даври чорякниҳоӣ роҳ меёбанд, соҳиби роҳхати чемпионати ҷаҳон-2025 мешаванд, ки дар Қатар доир мегардад.