Кумитаи ҳолатҳои фавқулода аз сар задани як садамаи мудҳиш дар ноҳияи Бобоҷон Ғафурови Силояти Суғд хабар додааст. Тавре ки манбаъ мегӯяд, ин ҳодисаи нохуш рӯзи 25-уми апрел, тахминан соатҳои 4.00 сар зада, мошини боркаши тамғаи ЗИЛ ба рӯйи соҳибаш чапагардон шудааст.

Ронандаи 32-соле, ки дар зери бори гарони мошинаш мондааст, сокини деҳаи Чаманзори ҷамоати деҳоти Ёваи ноҳияи Бобоҷон Ғафуров буда, оиладор ва падари ду фарзанд буд.

Ҳамон рӯзи наҳс ӯ бо боркаши машғул мешавад, вале якбора тормози мошин аз кор баромада, дигар нақлиётро идора карда наметавонад. Ба хотири наҷоти ҷонаш ронанда ҷонҳавл худро аз кабинаи мошин ба берун ҳаво медиҳад, вале ЗИЛ ба рӯяш чаппагардон шуда, бо бори гаронаш ӯро маҷақ мекунад.

Бар асари ин фалокат ронанда дар ҷойи ҳодиса ба ҳалокат расидааст. Аз ин ҷавони ормонӣ ду фарзанди хурдсол ятим монданд.