Ҳолатҳое мешаванд, ки як ҷойнамоз асту ду нафар намозхон. Болои ин, ҷойи намозӣ нест.
Мехоҳам фаҳмам, ки аз назари дини мубини ислом, дар зарурат дар як ҷойнамоз ду кас намоз хонанд, раво ҳаст ё не? Дар чунин ҳолат ҷойнамоз дар ҷойи саҷдагоҳ партофта мешавад ё дар таги пой?
Мирзонабот, н. Фархор.
Посухи домулло Ҷамолиддин Хомӯшӣ
Бародари азиз, дар зарурат дар як ҷойнамоз намоз хондани ду кас раво аст, вале дар ин ҳолат ҷойнамоз танҳо дар ҷойи саҷдагоҳ партофта мешавад. Сабабаш он аст, ки саҷда кардан дар ҷойи бенамоз, намозро фосид месозад.
