Тирамоҳ алакай ҳукмронии худро шуруъ намуда, ҳаво ба сардшавӣ сар кардааст. Бино ба маълумоти Агентии обу ҳавошиносии кишвар имрӯз дар баъзе минтақаҳои ҷумҳурӣ боридани борон ва дар баъзе манотиқ боришоти барф дар назар аст.

Имрӯз дар маҷмуъ дар ҷумҳурӣ ҳавои камабри бебориш дар назар дошта шудааст, вале дар баъзе ноҳияҳои ғарбии Бадахшон борони кӯтоҳмуддат ва дар минтақаҳои шарқии ин вилоят барф меборад. Шамол аз самти ғарб бо гузариш ба шарқ бо суръати 4-9 метр дар як сония мевазад. Ҳаво дар ғарби вилоят шабона 9+14 дараҷа гарм, рӯзона 24+29 дараҷа гарм, дар шарқи вилоят шабона 1-6 дараҷа хунук ва рӯзона 11+16 дараҷа гарм мешавад.

Дар ноҳияҳои алоҳидаи кӯҳии вилояти Суғд низ боридани борони кӯтоҳмуддат дар назар дошта шудааст. Шамол аз самти ғарб бо гузариш ба шарқ бо суръати 5-10 метр дар як сония мевазад. Ҳаво дар водиҳо шабона 11+16 дараҷа гарм, рӯзона 24+29 дараҷа гарм, дар ноҳияҳои кӯҳӣ шабона 2+7 дараҷа гарм ва рӯзона 17+22 дараҷа гарм мешавад.

Дар вилояти Хатлон ҳавои тағйирёбандаи бебориш пешгӯӣ шудааст. Шамол аз самти ғарб бо гузариш ба шарқ бо суръати 4-9 метр дар як сония мевазад. Ҳаво дар водиҳо шабона 12+17 дараҷа гарм, рӯзона 27+32 дараҷа гарм, дар доманакӯҳҳо шабона 10+15 дараҷа гарм ва рӯзона 22+27 дараҷа гарм мешавад.

Дар ноҳияҳои тобеи ҷумҳурӣ ҳавои тағйирёбандаи бебориш пешгӯӣ шуда, шамол аз самти ғарб бо гузариш ба шарқ бо суръати 4-9 метр дар як сония мевазад. Ҳаво дар водиҳо шабона 12+17 дараҷа гарм, рӯзона 26+31 дараҷа гарм, дар ноҳияҳои кӯҳӣ шабона 5+10 дараҷа гарм ва рӯзона 24+29 дараҷа гарм мешавад.

Дар шаҳри Душанбе ҳавои камабри бебориш пешгӯӣ мешавад. Шамол аз самти ғарб бо суръати 4-9 метр дар як сония мевазад. Ҳаво шабона 15+17 дараҷа ва рӯзона 28+30 дараҷа гарм мешавад.