Бахшида ба Рӯзи варзишгарони Тоҷикистон 3-юми август дар шаҳри Душанбе Марафони велосипедронӣ баргузор карда мешавад.
Марафони велосипедронӣ дар асоси қарори Раиси шаҳри Душанбе шуруъ аз назди бинои Муассисаи давлатии «Наврӯзгоҳ»-и Мақомоти иҷроияи ҳокимияти давлатии шаҳри Душанбе то дидбонгоҳи «Чорбоғ» баргузор карда мешавад.
Мақсад аз баргузории мусобиқа - таҳкими тарзи ҳаёти солим, рушду инкишофи соҳаи варзиш ва оммавияти он байни аҳолӣ мебошад.
Ёдовар мешавем, ки тибқи Қонуни Ҷумҳурии Тоҷикистон «Дар бораи рӯзҳои ид» дар ҷумҳурӣ 10-уми август Рӯзи варзишгарони Тоҷикистон муқаррар карда шудааст.
