Домуллои муҳтарам. Мегуфтед, ки дар моҳи Рамазон чӣ қадар вақт хобидан мумкин аст, чунки байни саҳархӯрӣ ва намози бомдод вақт мемонад. Агар ин хоб боиси қазо шудани намоз шавад, чӣ ҳукм дорад?

ДИЛОВАР, ш. Кӯлоб

Посухи намояндаи Раёсати фатвои ҶТ:

- Чӣ миқдор хобидан дар моҳи шарифи Рамазон аз ҷониби шариат муайян нашудааст, вале бидуни узр хоби бисёр рафтан, ки сабаби қазо шудани намоз гардад ва аз ҷиҳати танбалӣ ба намоз ва дигар корҳои нек эътибор надиҳад, дар ин сурат гунаҳгор мешавад.